İsveçrənin Nyon şəhərində koronavirus pandemiyası ilə əlaqədar fasilə verilmiş 2019-20-ci il UEFA Çempionlar Liqasının dörddəbir final, yarımfinal və final mərhələlərinin püşkü atılıb.

Axar.az xəbər verir ki, dörddəbir finalda "Real"-"Mançester Siti" matçının qalibi "Yuventus"-"Lion" matçının qalibi ilə, "Leyptsiq" "Atletiko" ilə, "Napoli"-"Barselona" matçının qalibi "Bavariya"-"Çelsi" matçının qalibi ilə, "Atalanta" isə PSJ ilə qarşılaşacaq.

Qeyd edək ki, səkkizdəbir final mərhələsinin qalan dörd oyunu keçirildikdən sonra digər mərhələlərin bütün oyunları Portuqaliyanın paytaxtı Lissabonda baş tutacaq.

Çempionlar Liqasının matçları avqustun 7-də bərpa olunacaq. Final matçı avqustun 23-də keçiriləcək.