"Qarabağ" Azərbaycanın adını həmişə layiqincə təmsil edib".

Bunu apasport.az saytına açıqlamasında millət vəkili Qənirə Paşayeva deyib. "Bakı" – "Qarabağ" matçını (1:1) stadiondan izləyən keçmiş telejurnalist "Qarabağ"a olan sevgisindən danışıb:

"Qarabağ" hamımızın komandasıdır. Hətta deyərdim ki, milli komanda kimidir. Mən "Qarabağ"a həm adına, həm də göstərdiyi oyuna görə azarkeşlik edirəm".

Q.Paşayeva "Qarabağ"ın oyununu stadiondan dəfələrlə izlədiyini bildirib:

"Qarabağ" rəhbərliyi komandanın 7 nömrəli futbolkasını mənə hədiyyə etdi. Bu, həyatımda aldığım ən gözəl hədiyyələrdən biridi".