Şahmat üzrə Gürcüstan çempionu Qayoz Niqalidze telefona gizli nəzər yetirdiyi üçün Dubaydakı turnirdən diskalifikasiya olunub.

Axar.az xəbər verir ki, bu barədə informasiyanı R-Sport agentliyi yayıb.

Məlumatda qeyd olunur ki, Niqalidze erməni qrossmeystri Tiqran Petrosyana qarşı oyun zamanı ayaq yoluna gedərək smartfondan istifadə edib. Onun bu hərəkəti isə təşkilatçıların gözündən yayınmayıb. Şahmatçı telefona baxdığını inkar etsə də, onun telefonunda hazırki partiyanın analizi nəzərdə tutulan şahmat proqramı aşkar olunub. Təşkilatçılar məlum məsələ ilə bağlı hesabatın Beynəlxalq Şahmat Federasiyasına göndəriləcəyini deyib.

Qeyd edək ki, şahmat turnirində belə hal yaşandığı halda şahmatçı 3 il müddətinə turnirdən kənarlaşdırılır.