Ana səhifə İdman |
Bu gün Azərbaycan kubokunda yarımfinal mərhələsinin ilk oyunları keçirilib.
Axar.az-ın məlumatına görə, finala çıxmaq uğrunda dörd komanda mübarizəyə başlayıb. İlk görüşdə "Qarabağ" "Simurq"u qəbul edib. "İnter Arena"da keçirilən matç Ağdam klubunun minimal hesablı qələbəsi ilə başa çatıb - 1:0.
Digər yarımfinal görüşündə isə paytaxt klubları üz-üzə gəlib. "İnter" səfərdə "Neftçi"nin qonağı olub. Bu oyunda Arif Əsədovun komandası 2:0 hesabı ilə qalib gəlib.
***
"İnter"in baş məşqçisi Kaxaber Sxadadze: "Səfərdə oynayan komanda üçün çox önəmlidir ki, ilk matçda qol vursun. Bizim bu cür imkanlarımız oldu, amma yararlana bilmədik. "Neftçi" şansından maksimum istifadə etdi, qələbə münasibəti ilə rəqibi təbrik edirəm".
"Düşünürəm ki, əsl kubok oyunu izlədiniz. Hər iki komanda nəticəyə oynayırdı. Qələbə məni və futbolçuları aldatmamalıdır. Qarşıda çətin cavab matçı var". Bu sözləri isə "Qarabağ"ın baş məşqçisi Qurban Qurbanov deyib. O, bu gün futbolçularının hər birindən razı qaldığını bildirib.
Tarix
2015.04.14 / 01:06
|
Müəllif
Emin Aslanlı
|