Bu gün Premyer Liqada 30-cu turun oyunları keçirilib.

Axar.az xəbər verir ki, AZAL klubu öz meydanında "Sumqayıt"la heç-heçə edib - 1:1. Paytaxt derbisində "Bakı" "İnter"ə uduzub - 1:2.

"İnter" ikinci pillədəki mövqeyini möhkəmləndirib. Zaqatalada yerli "Simurq" klubu "Qarabağ"ı sınağa çəkib. Qarşılaşma Ağdam klubunun 2:0 hesablı qələbəsi ilə başa çatıb.

Günün son qarşılaşmasında "Neftçi" və "Qəbələ" münasibətlərinə aydınlıq gətirib. Bu görüşdə "Qəbələ" Bakıdan 3:1 hesablı qələbə ilə ayrılıb. Bununla da Roman Qriqorçukun komandası ardıcıl 6 oyunda meydanı qalib tərk edib.