"Neftçi"nin baş məşqçisi Arif Əsədov "Qəbələ"yə məğlub olduqları oyundan (1:3) sonra keçirdiyi mətbuat konfransında ona ünvanlanan suala əsəbləşib.

Axar.az-ın məlumatına görə, jurnalistin "Vəli Qasımovun "Neftçi"yə idman direktoru təyin olunması sizi narahat etmir ki" sualı Əsədovu özündən çıxarıb. Baş məşqçi media nümayəndələrini yerli məşqçilərə dəstək olmamaqda günahlandırıb:

"Biz hələ Vəlini görməmişik. Niyə onun təyinatına narahat olmalıyam? Gəlin, reallıqdan danışaq. Hələ ki, mən vəzifəmin başındayam. Yerli məşqçilərimizə çox təzyiq edirsiniz. Cəmi 2-3 yerli məşqçimiz var ki, onları da qaralamısınız".