“Neftçi” – “Qalatasaray” oyununun keçiriləcəyi Bakı Olimpiya Stadionunda dostluq və qardaşlıq mesajlarının olduğu bannerlər asılıb.

Axar.az xəbər verir ki, bannerlərdə Mustafa Kamal Atatürkün və Prezident İlham Əliyevin sözlərinə yer verilib.

Atatürkün “Azərbaycanın sevinci bizim sevincimiz, kədəri bizim kədərimizdir” sözləri yazılan banner “Qalatasaray” bayrağının olduğu tərəfdə asılıb.

Prezient İlham Əliyevin sözlərinin yazıldığı bannerdə isə “Türkiyə-Azərbaycan birliyi və qardaşlığı əbədidir” ifadəsinə yer verilib.

Qeyd edək ki, bannerlər Türkiyə mediasının da diqqətini çəkib və qardaş ölkədə tirajlanıb.