Güney Azərbaycanın Urmiya şəhərində yerləşən “Durnalar yuvası” voleybol zalında üzərində azərbaycanca sözlər yazılmış lövhə geri qaytarılıb.

Axar.az xəbər verir ki, güneylilərin etirazlarından sonra yerli məsullar üzərində “Durnalar yuvasına xoş gəlibsiniz” yazılan lövhəni zala qaytarmağa məcbur olublar.

“Sən çağırsan, gələrəm mən” cümləsi də əlavə olunan yeni lövhə zalın içərisinə quraşdırılıb. Lövhənin küncünə İran bayrağı əlavə etdirilib.

Qeyd edək ki, bir qədər əvvəl bu lövhə sökülmüş və yerinə farsca lövhə quraşdırılmışdı.