Bakının “Səbail” klubunun sabiq futbolçusu Maykl Essien cəbhədə baş verən hadisələrlə bağlı Azərbaycana dəstək olub.

Axar.az xəbər verir ki, hazırda Danimarkanın “Norşellan” klubunda məşqçi kimi çalışan sabiq yarımmüdafiəçi “Instagram” hesabından paylaşım edib.

Qana millisinin keçmiş üzvü “Pray for Azerbaijan” (Dualarım Azərbaycan üçündür), “Karabakh is Azerbaijan” (Qarabağ Azərbaycandır) yazılan Azərbaycan bayrağını paylaşıb.

Qeyd edək ki, Maykl Esyen “Səbail”də 2019-cu ilin martından çıxış edib. O, 2019-2020-ci il mövsümünün sonunda komandadan ayrılıb. O, karyerası ərzində İngiltərənin “Çelsi”, İspaniyanın “Real” və İtaliyanın “Milan” klublarında da çıxış edib.