Azərbaycanlı əlil idmançı 23-27 apreldə Gürcüstanın Tiflis şəhərində keçirilən poverliftinq üzrə Avropa çempionatının qalibi olub.

UAFA-nın Azərbaycandakı rəsmi nümayəndəliyinin rəhbəri Saleh Nəsirov Axar.az-a bildirib ki, 19 yaşlı psevdoaxondroplaziya diaqnozlu Namaz Namazov ağırlıqqaldırma üzrə yarışlarda 52 kq çəki dərəcəsində 251,5 kq ağırlıq qaldıraraq Avropa çempionu adını qazanıb. Onun sözlərinə görə, bu, Namazın ilk uğuru deyil. O, eyni zamanda tipik idmançılar və olimpiyaçılar sırasında dəfələrlə respublika səviyyəsində keçirilən yarışların qalibi olub.