Ağdamın "Qarabağ" futbol klubunun UEFA Avropa Liqasının qrup mərhələsindəki rəqibi "Vilyarreal" İspaniya çempionatında növbəti oyununa çıxıb.

Axar.az xəbər verir ki, Marselino Qarsiyanın kollektivi 10-cu turda "Real Madrid"in qonağı olub. Görüş 1:1 hesablı heç-heçə ilə başa çatıb.

Oyunda hesabı 2-ci dəqiqədə Madrid təmsilçisinin futbolçusu Mariano Dias açıb. Cerard Moreno isə 76-cı dəqiqədə penaltini dəqiq yerinə yetirərək, "Vilyarreal"ı məğlubiyyətdən xilas edib.

Turun digər matçlarında isə "Sevilya" doğma meydanda "Selta Viqo"nu 4:2 hesabı ilə məğlub edib. "Osasuna" – "Hueska" və "Levante" – "Elçe" görüşlərinin hər birində hesab 1:1 bərabərliklə bitib.