Ana səhifə İdman |
17:11
Futbol üzrə Azərbaycan Premyer Liqasında X turun daha bir oyunu keçirilib.
Axar.az xəbər verir ki, günün ilk matçında "Qəbələ" "Neftçi"ni qəbul edib.
Qarşılaşma paytaxt təmsilçisinin 4:1 hesablı qələbəsi ilə yekunlaşıb. Görüşdə hesab 38-ci dəqiqədə açılıb. Anton Krivotsyuk qonaqları önə keçirib. Cinah müdafiəçisi 51-ci dəqiqədə özünün və komandasının ikinci qoluna imza atıb. 57-ci dəqiqədə Namiq Ələsgərov fərqi daha da artırıb. 3 dəqiqə sonra "Qəbələ"nin heyətində Yusif Nəbiyev fərqlənib. 90+3-cü dəqiqədə Prins İbara növbəti dəfə meydan sahiblərini məyus edib.
Bu, "Neftçi"nin yeni baş məşqçi Samir Abasovun rəhbərliyi altında ilk oyunu olub. Flaqman qələbə sayəsində xallarının sayını 17-ə yüksəldib və ikinci sıraya qalxıb. "Qəbələ" isə 8 xalla 7-ci pillədədir.
Qeyd edək ki, günün son matçında "Zirə" "Keşlə"ni qəbul edir.
***
Günün son oyununda “Zirə” “Keşlə”ni 3:1 hesabı ilə məğlub edib.
Qələbə sayəsində xallarının sayını 18-ə çatdıran qəsəbə təmsilçisi 2-ci pilləyə yüksəlib. “Keşlə” isə 12 xalla 5-cı sırada qərarlaşıb.
Tarix
2020.11.22 / 18:25
|
Müəllif
Axar.az
|