Türkiyənin “Fənərbaxça" klubu İkinci Qarabağ müharibəsində şəhid olan Niyamin Niftalızadəni yad edib.

Axar.az xəbər verir ki, İstanbul təmsilçisinin rəsmi saytında onunla bağlı yazı yer alıb.

Yazıda bildirilib ki, Niyamin Niftalızadənin məzarı önünə klubun forması və əklil qoyulub. "Azərbaycan Ordusunda xidmət edərkən şəhid olan Niyamin Niftalızadəyə Allahdan rəhmət diləyir, yaxınlarına və Azərbaycan xalqına başsağlığı veririk", - yazıda vurğulanıb.

Qeyd edək ki, daha əvvəl "Qalatasaray" klubu şəhid Fərid Dursunov və Murad Məmmədovla bağlı paylaşım edib.