İngiltərə Premyer Liqasının 10-cu turunda “Sauthempton” klubu doğma meydanda “Mançester Yunayted”i qəbul edib.

Axar.az xəbər verir ki, gərgin mübarizə şəraitində keçən oyunda Mançester təmsilçisi 2-0 geri düşməsinə baxmayaraq, sonda qələbə qazanıb.

Əvvəlcə Bruno Fernandeş hesab arasında fərqi azaldıb: 2-1. Daha sonra hesabı bərabərləşdirən Edison Kavani oyunun son saniyələrində bir daha fərqlənməklə "Qırmızı şeytanlar"a 3-2 hesablı qələbə qazandırıb.

Hazırda bir oyun az keçirən “Mançester Yunayted” lider “Tottenhem”dən 5 xal geri qalır.