"Qarabağ"ın baş məşqçisi Qurban Qurbanov qalib gəldikləri Azərbaycan kubokunun final matçından sonra jurnalistlərin suallarını cavablandırıb.

Axar.az-ın məlumatına görə, oyunu şərh edən təcrübəli mütəxəssis qarşıdakı planlardan da danışıb:

"Belə uğurlar təcrübəmizi daha da artırır, bizi gələcəyə ümidləndirir. Belə matçlarda daim nəticəyə oynamağı bacarmalıyıq. Qazandığımız bu uğurlar bizim məsuliyyətimizi də artırır. Çünki bundan sonra daha yaxşı nəticələr tələb olunur. Bu da istər-istəməz işimizi həm çətinləşdirir, həm də çoxaldır".

Onun sözlərinə görə, Muarem Muarem"Eskişəhərspor"la müqavilə imzalamağa gedəcək:

"Ona uğurlar arzulayıram. O,"Qarabağ" klubu və azarkeşləri üçün çox dəyərli bir futbolçu idi".