İspaniyanın "Barselona" klubunun çempionluq paradında yarımmüdafiəçi Xavi ilə hücumçu Neymar arasında xoşagəlməz hadisə baş verib.

Axar.az xəbər verir ki, katalonların avtobusu şəhər küçələrində hərəkətdə olan zaman sərxoş Xavi avtobusun kənarında oturub. Komanda yoldaşları onun üçün narahat olub və Xavini aşağı endirməyə cəhd edib. Lakin Xavi onlara tabe olmayıb. Veteran futbolçu xüsusi ilə Neymarı itələyib və üzündən vurub.

Digər bir versiyaya görə, Neymar Xavinin ayaqqabısının iplərini bir-birinə bağlayaraq veteran futbolçu ilə zarafat etmək istəyib. Elə buna görə də Xavi Neymarı vurub.