UEFA Çempionlar Liqasında ikinci finalçı da məlum olub.

Axar.az xəbər verir ki, yarımfinalın cavab oyununda doğma meydanda İspaniya "Real Madrid"ini 2:0 hesabı ilə məğlub edən İngiltərənin "Çelsi" klubu finala vəsiqə qazanıb.

Matçda ilk qolu 28-ci dəqiqədə Timo Verner vurub. Son nöqtəni isə 85-ci dəqiqədə Meyson Maunt qoyub. Komandalar arasında Madriddəki ilk görüş heç-heçə başa çatmışdı - 1:1.

Qeyd edək ki, "Çelsi"nin finaldakı rəqibi İngiltərənin digər klubu "Mançester Siti" olacaq. Final qarşılaşması mayın 29-da Türkiyənin İstanbul şəhərində baş tutacaq.