İngiltərə Futbol Assosiasiyası Çempionlar Liqasının final matçının Türkiyədən alınıb Britaniyaya verilməsi imkanlarını UEFA ilə müzakirə edir.

Axar.az xəbər verir ki, bunu Britaniyanın nəqliyyat naziri Qrant Şapps jurnalistlərə açıqlamasında deyib.

“İngiltərə Futbol Assosiasiyası bu məsələ ilə bağlı UEFA ilə danışıqlar aparır. Biz finalı qəbul etməyə qarşı deyilik, amma qərar UEFA-nındır. İki ingilis klubu finala çıxıb, gözləyirik görəl nə cavab verəcəklər. Bunu müzakirəyə çıxarmağımızın səbəbi Britaniyanın Türkiyəni qadağan olunan ölkələr siyahısına - qırmızı siyahıya salması ilə əlaqədadır. Çünki bu ölkələrdən qayıtdıqdan sonra öz hesabına 10 gün oteldə karantində qalmalısan”, - Şapps bildirib.

Qeyd edək ki, UEFA Çempionlar Liqasının 2020-2021-ci il mövsümünün finalı mayın 29-da Türkiyənin İstanbul şəhərində keçiriləcək. Finalda İngiltərənin “Mançester Siti” və “Çelsi” klubları qarşılaşacaq.