Para-taekvondoçu İmaməddin Xəlilov Tokio-2020 Yay Paralimpiya Oyunlarında iştirak üçün lisenziya qazanıb.

Axar.az xəbər verir ki, bu qələbə sayəsində İmaməddin Xəlilov Tokio-2020 XVI Yay Paralimpiya Oyunlarına birbaşa vəsiqəyə sahib olub.

Beləliklə, Milli Paralimpiya Komitəsinin idmançıları 5 idman növündə artıq 13 lisenziya (atletika – 3, üzgüçülük – 3, güllə atıcılığı – 2, pauerliftinq – 1, taekvondo – 4) qazanıblar.

Azərbaycan para-taekvondoçuları turnirdə uğurlu nəticə göstərərək Tokio-2020 Yay Paralimpiya Oyunlarında iştiraklarını təmin ediblər.

Qeyd edək ki, para-taekvondo idman növü ilk dəfə olaraq Paralimpiya Oyunlarının proqramına salınıb.