Ana səhifə İdman |
Püşkün nəticələri məlum olan kimi rəqibimizi tanımaq üçün bütün əlaqələrimizi işə saldıq. Artıq Azərbaycan çempionunun 2 oyunundan diskləri izləmişik və lazımı qeydləri aparmışıq. Azərbaycan Kubokunun final qarşılaşmasında "Neftçi" üzərində 3:1 hesablı qələbələri ilə başa çatan görüşü izləmişik. Bundan başqa, avrokuboklardakı bir matçı izləmişik".
Bu sözləri "Qarabağ"ın Çempionlar Liqasındakı rəqibi – Monteneqronun "Rudar" klubunun baş məşqçisi Mirko Mariç futbolinfo.az saytına müsahibəsində deyib. Onun sözlərinə görə, potensial rəqiblər sırasında ən arzulanmazı "Qarabağ" idi:
"Ancaq taledən qaçmaq olmaz. Bir halda ki, püşk qismətimizə Azərbaycan çempionunu seçib, deməli, meydana çıxıb, əlimizdən gələn ən yaxşısını etməliyik".
Mariç "Qarabağ"ın baş məşqçisi haqda bu cür reaksiya verib: "Ooo! Qurban Qurbanov! Onu çox yaxşı tanıyıram. Tək mən yox, həm Serbiyada, həm də Çernoqoriyada olduqca populyar insandı. Hər oğulun işi deyildi ki, Serbiya və Çernoqoriya yığmasının qapısına 3 qol vursun. Ancaq Qurbanov bunu bacarmışdı. Ötən il Avropa Liqasının qrup mərhələsində iştirak ediblərsə, deməli, məşqçi kimi də olduqca bacarıqlı mütəxəssisdi. Belə bir məşqçiylə üz-üzə gəlmək olduqca maraqlıdı".
Tarix
2015.06.24 / 00:02
|
Müəllif
Emin Aslanlı
|