Argentinanın "La Nacion" qəzeti ölkənin əsas komandası və "Barselona"nın ulduz futbolçusu Lionel Messi haqda şok məlumat yayıb.

Axar.az dsport.az-a istinadən xəbər verir ki, 2010-cu ildə Argentina Futbol Assosiasiyasının prezidenti vəzifəsini tutmuş Xulio Qrondon həmin il İrlandiya ilə yoldaşlıq matçında rəqib komandanın hər bir üzvünə 10 min dollar ödəyib. İstək isə o olub ki, Messini zədələməsinlər. Məlumatda bildirilir ki, Qrondonun belə bir addım atmasına səbəb argentinalını 5 milyon avro dəyərində sığortalamaq istəməməsidir. İrlandiya və Argentina arasındakı matç "Barselona"nın yeni mövsümün hazırlıqlarına başladığı avqust ayında olub. Sözügedən yoldaşlıq oyununun keçirilməsində məqsəd Fransanın mübahisəli qoluna görə dünya çempionatına düşməmiş irlandiyalıları ələ almaq idi. Bu işdə də FİFA-nın barmağı olduğu bildirilir.

İrlandiya Futbol Assosiasiyası artıq bu informasiyanı təkzib edib.