Danimarka millisinin futbolçusu Kristian Eriksen xəstəxanadan evə buraxılıb.

Axar.az xəbər verir ki, bu barədə Danimarka Futbol İttifaqı məlumat yayıb.

Ürəyi əməliyyat olunan 29 yaşlı yarımmüdafiəçinin özünü yaxşı hiss etdiyi bildirilib.

Xəstəxanadan çıxan futbolçu əvvəlcə komanda yoldaşlarına baş çəkib, ardınca isə ailəsinin yanına yollanıb.

Qeyd edək ki, Eriksen iyunun 12-də Finlandiya ilə B qrupunun ilk görüşündə huşunu itirərək, yerə yıxılıb. 15 dəqiqə ərzində təcili yardım göstərildikdən sonra o, xəstəxanaya aparılmışdı.