Güləş üzrə milli komandamızın üzvləri artıq Tokio Yay Olimpiadasında iştirak etmək üçün yola düşüblər. Bundan əvvəl komandamızın üzvləri prosedurlara uyğun olaraq COVİD-19 testindən keçiblər.

Axar.az xəbər verir ki, məşqçilərimiz AzTV-yə verdikləri müsahibədə idmançılarımızın yarışlara tam hazır olduqlarını bildiriblər.

Tokio-2020-də sərbəst güləş üzrə millimizin tərkibində baş məşqçi Namiq Abdullayev və böyük məşqçi Zəlimxan Hüseynovun rəhbərliyi altında Hacı Əliyev, Turan Bayramov və Şərif Şərifov çıxış edəcək. Baş məşqçi Aslan Ağayevin rəhbərliyi altında isə Mariya Stadnik 50 kiloqram çəki ilə, Elis Monolova isə 68 kiloqram çəki ilə qadınlar arasında Azərbaycanı Tokio Yay Olimpiadasında təmsil edəcəklər.