Azərbaycan idmanında nöqsanlar çoxdur, acınacaqlı vəziyyətdir. İnanırıq ki, yeni gənclər və idman naziri bu istiqamətdə məsələni kökündən dəyişəcək. Yetəri qədər idmançımız var. Sadəcə dəstək azdır.

Axar.az xəbər verir ki, bu sözləri qarışıq döyüş növləri üzrə dünya çempionumuz Ümid Məmmədzadə “Real İntervyu”ya verdiyi müsahibəsində deyib.

“Dəstək olduqdan sonra idmançılarımız məşhur dünya liqalarında döyüşə bilərlər. Yeni nəsli öyrədib onlarda döyüşə maraq yaratmaq lazımdır. Azərbaycan idmanı daha yaxşı səviyyəyə qalxa bilər. İnanırıq ki, qalxacaq. Ən böyük problemimiz idman cəmiyyətimizdə legionerlərin olmasıdır. Legionerlərin sayı azaldılmalı, yerli idmançılarımıza daha çox şans verilməlidir. Öz gənclərimiz daha güclüdür. Dəstəyi öz idmançılarımıza versək, daha çox uğur əldə edərik”, - çempionumuz bildirib.