2021.09.14 - 23:29

Sentyabrın 14-də futbol üzrə 2021-2022-ci il mövsümünün qrup mərhələsinin ilk iki oyununa start verilib.

Axar.az xəbər verir ki, İspaniyada "Sevilya" Avstriyanın "Zaltsburq" klubu ilə heç-heçə edib - 1:1.

İsveçrənin "Yanq Boyz" və İngiltərənin "Mançester Yunayted" komandası arasındakı görüşdə isə sensasiya qeydə alınıb. Meydan sahibləri əzmkar qələbə qazanıb - 2:1.

Hesabı 13-cü dəqiqədə Kristiano Ronaldo açıb. Matçın 35-ci dəqiqəsində Aron Van-Bissaka qırmızı vərəqə alaraq, "qırmızı şeytanlar"ı azlıqda qoyub. "Yanq Boyz" say üstünlüyündən ikinci hissədə yararlanmağı bacarıb. Nikolas Mumi Nqamalyo 66-cı dəqiqədə bərabərlik qolunu vurub. Oyunun 90+5-ci dəqiqəsində Jordan Sibaço yekun nəticəni müəyyənləşdirib.

***

UEFA Çempionlar Liqasında qrup mərhələsinin ilk turunun birinci oyun gününə yekun vurulub.

Günün nəticələri aşağıdakı kimidir:

"Barselona" (İspaniya) - "Bavariya" (Almaniya) - 0:3

"Dinamo" (Kiyev, Ukrayna) - "Benfika" (Portuqaliya) - 0:0

"Vilyarreal" (İspaniya) - "Atalanta" (İtaliya) - 2:2

"Lill" (Fransa) - "Volfsburq" (Almaniya) - 0:0

"Çelsi" (İngiltərə) - "Zenit" (Rusiya) - 1:0

"Malmö" (İsveç) - "Yuventus" (İtaliya) - 0:3