Professor İvan Neumıvakin uzunömürlüyün birinci sirrinin suyun qida kimi qəbul edilməsində görür. O, hesab edir ki, insan yeməkdən çox nə qədər su içdiyinə fikir verməlidir.

Axar.az Medicina.az-a istinadən xəbər verir ki, sovet kosmonavtlarının həkimi Neumovakinin “Su birinci qidadır” yazısını təqdim edir:

“Hüceyrələr hər gün çimməli və qidalanmalıdır. Bunun üçün onlara su çatdırmaq lazımdır. Məqsəd orqanizmi daxildən şlak, toksinlərdən yumaq, maye balansı yaratmaq, elektrolitləri artırmaqdır. İnsan yayda 2 litr, qışda 1 litr yarım su içməlidir.

Yaxşı olar ki, içdiyiniz suyun pH səviyyəsi 7,4-ə bərabər olsun. Su çiy, filtrdən keçirilmiş, buzlanıb əridilmiş ola bilər. Bunlara əməl edən insan heç vaxt xəstələnmir, orqanizmini qoruyur. Satılan butul sularına zəmanət yoxdur, çünki onların pH səviyyəsini heç kim ölçmür. Su acqarına və yeməkdən 1 saat öncə 1-2 stəkan içilməlidir.

Bədəndə su çatmayanda qan qatılaşır, ürəyin qanı qovmağa gücü çatmır. Bu zaman ilk olaraq baş beyin zərər görür. Qan dövranı pozulur, baş ağrısı, spazm, diqqət, yaddaş pozğunluğu yaranır. Yemək zamanı hər hansı su, maye içmək olmaz, mədə şirəsinin tərkibi pozulur.

Ət xörəyi yedikdən 2 saat sonra su içmək olar. Çay, qəhvə, qazlı sular orqanizmi qurudur, sümükləri əridir. Bir az limon sıxılmış və bal qatılmış su turşu-qələvi mühitini balanslaşdırır”.