18:14

Futbol üzrə Azərbaycan Premyer Liqasında II dövrəyə start verilib.

Axar.az xəbər verir ki, VIII turun açılış matçında "Sabah" və "Sumqayıt" komandaları üz-üzə gəliblər. Masazırdakı "Bank Respublika Arena"da baş tutan görüş meydan sahiblərinin 3:0 hesablı qələbəsi ilə başa çatıb.

3 gün öncə Ramin Quliyevi istefaya göndərən "Sabah"ı bu oyuna baş məşqçi qismində klubun idman direktoru İqor Ponomaryov çıxarıb.

Bu nəticədən sonra xallarını 4-ə çatdıran "Sabah"ın mövqeyi dəyişməyib və komanda sonuncu pillədə qalıb. "Sumqayıt" isə 8 xalla 5-cidir.

Qeyd edək ki, günün ikinci oyununda "Neftçi" "Zirə"ni qəbul edəcək.

***

"Neftçi" "Bakcell Arena"da "Zirə"ni qəbul edib.

Matç meydan sahiblərinin əzmkar qələbəsi ilə başa çatıb - 2:1.