Oktyabrın 26-da futbol üzrə İtaliya A Seriyasının X turunun oyunlarına start verilib.

Axar.az xəbər verir ki, turun ilk oyun günündə üç qarşılaşma baş tutub. Turnir cədvəlinin lideri "Milan" doğma azarkeşlər önündə "Torino" komandasını qəbul edib. "San-Siro" stadionunda baş tutan görüş meydan sahiblərinin minimal hesablı qələbəsi ilə başa çatıb - 1:0. Oyunda yeganə qolun müəllifi matçın 14-cü dəqiqəsində Olivye Jiru olub. Bununla "Milan" A Seriyasında ardıcıl 6-cı qələbəsini qazanıb.

Bu nəticədən sonra "Milan" 28 xalla liderliyini qoruyub. Xallarını 11-ə çatdıran "Torino" isə 13-cü pillədə qərarlaşıb.

Günün digər görüşlərində "Salernitana" səfərdə "Venesiya"nı 2:1 hesabı ilə məğlub edib. "Spesiya" - "Genoa" matçında qalib müəyyənləşməyib - 1:1.