Beynəlxalq Futbol Assosiasiyaları Şurası (İFAB) ölkə federasiyalarına oyunlarda 5 əvəzetmə qaydasının daimi olmasını məsləhət görüb.

Axar.az xəbər verir ki, İFAB qərarın qüvvədə saxlanılması üçün konfederasiyalar, milli assosiasiyalar və liqalardan istəklər alıb.

Bildirilib ki, bununla bağlı qərarı yerli qrurumlar verməlidirlər.

Qeyd edək ki, 2020-ci ilin mayında Avropa ölkələrinin çempionatlarında, eləcə də beynəlxalq turnirlərdə koronavirus pandemiyası ilə əlaqədar matçlar zamanı 3 deyil, 5 əvəzetməyə icazə verilməsi qərara alınıb. Qurum daha sonra bu qaydanın müddətini 2022-ci ilin sonunadək uzadıb.

Bir müddət öncə "Qarabağ"ın baş məşqçisi Qurban Qurbanov mətbuat konfransında 5 əvəzetmə qaydasının tətbiqi ilə bağlı Klublar Komitəsinə müraciət etdiyini, lakin müsbət cavab almadığını bildirmişdi.