Axar.az
Yuxarı

Qurban Qurbanov heç-heçəni belə şərh etdi

Ana səhifə İdman
12 Punto 14 Punto 16 Punto 18 Punto

Futbolçuları təbrik etmək istəyirəm. Qələbə qazanmaq istəyirdik. Düşünürəm ki, bu gün oyunçularım çox böyüdülər.

Axar.az xəbər verir ki, bunu "Qarabağ"ın baş məşqçisi Qurban Qurbanov evdə Kiprin "Omoniya" komandası ilə 2:2 hesablı heç-heçə etdikləri UEFA Konfrans Liqasının qrup mərhələsinin V tur oyunundan sonra mətbuat konfransında deyib.

"Futbolçulara heç bir iradım yoxdur. Görüşdəki qollar da maraqlı alındı. Rəqibə qarşıdakı oyunlarda uğurlar arzulayıram", - Q.Qurbanov qeyd edib.

Qurbanov qapıçı Şahruddin Məhəmmədəliyevin son qoldakı səhvindən danışıb: "Bu, futbolda nadir görünən epizoddur. Burada Şahruddinin səhvindən çox rəqib futbolçunun ustalığı ön plana çıxdı. Həqiqətən çox gözəl qol alındı. Matçdan sonra qapıçımıza irad bildirmədim. Ona möhkəm olmasını söylədim. Dedim ki, qarşıda yaxşı oyunlarımız var".

Təcrübəli baş məşqçi hakim idarəçiliyi haqqında da fikirlərini bölüşüb: "Düşünürəm ki, bu oyun hakimə böyük təcrübə oldu. İlk dəfə qrup mərhələsi matçını idarə edirdi. Həyəcanı da hiss olunurdu. Qolumuz və penaltimiz verilmədi. Rəqibə qırmızı vərəqə də vermişdi. Sanki bunu sığortalamaq istəyi var idi. Buraxdığımız qollar texniki səhvlərdən oldu. Qarşıdakı oyunlarda hakimlərə uğurlar arzulayıram. İnanıram ki, növbəti görüşlərdə daha diqqətli olacaqlar".

Mütəxəssis bütün oyunçularından razı qaldığını sözlərinə əlavə edib: "Təmiz qolumuz qeydə alınmadı. Bu, mənə Avropa Liqasında "İnter"lə oyundakı qolu xatırlatdı. Belə qollar sayılmırsa, nə deyə bilərəm"?

Qurbanov görüşdə bir dəyişiklik etməsinin səbəbini isə hər şeyin axarında getməsi ilə əlaqələndirib. Onun fikrincə, bu cür qarşılaşmalarda əvəzləməyə əl atmaq risklidir: "Bəzən anlaşılmazlıqlar ola bilər. Oyunu rəqibin cərimə meydanı ətrafında keçirdik. Bu səbəbdən, dəyişikliyi lazım bilmədik".

Tarix
2021.11.26 / 01:23
Müəllif
Axar.az
Şərhlər
Digər xəbərlər

Futbolçumuzun atası koronadan vəfat etdi

"Azerreyl"in prezidenti istefa verdi

AFFA-ya məxsus torpaq sahəsi satışa çıxarıldı

AFFA Byazi ilə bağlı qərar verdi

Mahir meydana daxil oldu, "Legiya" 1/4 finala yüksəldi 1

Nazir Azərbaycan karateçiləri ilə görüşdü

UEFA Mahir Emrelini Kərəm Aktürkoğlu ilə müqayisə etdi

ABŞ-da yaşayan həmyerlimiz dünya çempionu oldu

Parkinsondan əziyyət çəkən veteran futbolçu vəfat etdi

Ermənistan millisinin oyunu yarımçıq dayandırıldı

KULT
<>
Xəbər xətti
  
  
  
  
yatsan
Axar.az'da reklam Bağla
Reklam
Bize yazin Bağla