2022.02.02 - 20:45

Polşa "Legiya"sının azərbaycanlı futbolçusu Mahir Emreli Xorvatiyanın "Dinamo" (Zaqreb) klubuna keçə bilər.

Axar.az xəbər verir ki, bu barədə Polşa mediası məlumat yayıb.

“Dinamo”nun 24 saat ərzində M.Emrelinin transferini açıqlayacağı bildirilib.

Zaqreb təmsilçisi 25 yaşlı hücumçunu İspaniya "Sevilya"sına qarşı keçirəcəyi Avropa Liqasının pley-off oyunlarına sifariş etmək istəyir.

Qeyd edək ki, daha öncə Xorvatiyanın "Dinamo" (Zaqreb) klubunun Mahir Emrelinin transferindən imtina etdiyi barədə xəbərlər yayılmışdı.

***

Azərbaycan milli komandasının futbolçusu Mahir Emreli Xorvatiyanın "Dinamo" (Zaqreb) klubuna keçib.

Report-un əldə etdiyi məlumata görə, 25 yaşlı hücumçu bu məqsədlə Zaqrebə yollanıb. O, artıq yeni komandasında tibbi müayinədən keçdikdən sonra 4,5 illik müqaviləyə imza atıb.

Qeyd edək ki, Zaqreb "Dinamo"su Xorvatiyanın ən titullu klubu sayılır. "Göylər" 22 dəfə ölkə çempionu, 16 dəfə kubokun sahibi olub. Paytaxt təmsilçisi bu mövsüm avrokuboklarda mübarizəyə Çempionlar Liqasından başlayıb və III təsnifat mərhələsində Mahir Emrelinin sabiq klubu Polşa "Legiya"sını iki oyunun yekununda üstələməyi bacarıb - 1:1, 1:0. Lakin pley-off mərhələsində Moldova "Şerif"i "Dinamo"nu 3:0, 0:0 hesablı hesablarla yenib. Nəticədə Xorvatiya klubu mübarizəni Avropa Liqasının qrup mərhələsində davam etdirib. Bu turnirdə isə H qrupunda 10 xalla 2-ci yeri tutan Damir Krznarın baş məşqçi olduğu kollektiv 1/8 finalda İspaniya "Sevilya"sına rəqib olub.

"Dinamo" ilk görüşünü fevralın 17-də səfərdə, cavab oyununu fevralın 24-də evdə keçirəcək.