Futbol üzrə Azərbaycan Premyer Liqasında XV tura yekun vurulub.

Axar.az xəbər verir ki, turun son oyununda "Sumqayıt" klubu “Səbail”in qonağı olub. “ASCO Arena”dakı qarşılaşmada qalib müəyyənləşməyib - 1:1.

Matçda hesabı meydan sahibləri açıblar. Domantas Şimkus 17-ci dəqiqədə uzaq məsafədən baxımlı qola imza atıb. Matçın 65-ci dəqiqəsində isə “gənclik şəhəri” təmsilçisi tarazlığı bərpa edib. “Dənizçilər”in heyətində Camal Araqo avtoqol müəllifi olub.

Günün digər matçında isə “Sabah” evdə “Qəbələ”yə 3:0 hesabı ilə qalib gəlib.

Qeyd edək ki, turun əvvəlki oyunlarında “Zirə” səfərdə “Keşlə”yə 1:0, “Qarabağ" "Neftçi”yə 2:1 hesabı ilə qalib gəlib.