Ana səhifə İdman |
Sabah "Qarabağ" ən gözəl oyunlarından birini sərgiləməyə çalışacaq. Komanda çox həvəslidir.
Axar.az xəbər verir ki, bunu Londonda keçirdiyi mətbuat konfransında "Qarabağ"ın baş məşqçisi Qurban Qurbanov bəyan edib. Ağdam klubunun təcrübəli çalışdırıcısı Avropa Liqasının qrup mərhələsində "Tottenhem"lə keçiriləcək görüşü şərh edib.
Qol.az-ın İngiltərəyə ezam olunmuş müxbiri xəbər verib ki, Qurbanov "Tottenhem"in ispan futbolu nümayiş etdirəcəyini söyləyib:
"Onların baş məşqçisi argentinalıdır. Uzun illər İspaniyada işləyib. Buna görə də düşünmürəm ki, "Tottenhem" ingilis futbolu nümayiş etdirəcək. Böyük ehtimalla ingilis və ispan futbolunun sintezini görə biləcəyik".
Xatırladaq ki, matç sentyabrın 17-də keçiriləcək və "İdman Azərbaycan" televiziyası ilə canlı yayımlanacaq. Oyun 00:05-də start götürəcək.
Tarix
2015.09.17 / 00:20
|
Müəllif
Emil Salamoğlu
|