Məğlub olmaq istəməzdik. Rəqib komandanı təbrik edirəm. "Tottenhem" həqiqətən də yaxşı komandadır.

Axar.az xəbər verir ki, bu sözləri "Qarabağ"ın baş məşqçisi Qurban Qurbanov deyib.

Qurbanov komandasının növbəti oyunlarda yaxşı nəticələr qazanacağını bildirib:

"Düşünülməz səhvlərə yol verdik. Hesabda geridə olsaq da, qol vurmaq istəyirdik. Lakin alınmadı. Bu, qrupda ilk oyunumuz idi. Məğlubiyyətə baxmayaraq, futbolçularıma inanıram".

"Oyun bizim üçün asan keçmədi. Erkən qol buraxdıq. Ancaq şadam ki, komandam xarakter göstərərək qələbə qazandı".

Bu fikirləri "Tottenhem"in baş məşqçisi Maurisio Poçettino söyləyib.

43 yaşlı mütəxəssis "Qarabağ"ın yaxşı mübarizə apardığını bildirib: "Qarabağ" yaxşı komandadır. Bu komanda gözəl oyun fəlsəfəsinə malikdir. Rəqib bu gün çox yaxşı oynadı".

Qeyd edək ki, Avropa Liqasının qrup mərhələsinin ilk turunda evdə "Qarabağ"ı qəbul edən "Tottenhem" 3:1 hesabı ilə qələbə qazanıb.