Özbəkistan mətbuatı Bakıda keçiriləcək IV İslam Həmrəyliyi Oyunlarından yazıb.

Axar.az xəbər verir ki, Podrobno.uz xəbər portalı 2017-ci ilin mayında təşkil olunacaq Oyunlarla bağlı geniş məqalə dərc edib. Məqalədə qeyd olunur ki, Oyunların keçirilməsi ilə əlaqədar müvafiq Saziş Azərbaycan və İslam Həmrəyliyi İdman Federasiyası arasında imzalanıb. Oyunların keçiriləcəyi məkanın müəyyən edilməsi ilə bağlı səsvermə 2013-cü il iyulun 23-24-də Ciddə şəhərində İslam Həmrəyliyi İdman Federasiyasının 8-ci Baş Assambleyasında baş tutub.

Yarışlarda Azərbaycanın idman şərəfini 100-dən artıq idmançının qoruyacağının vurğulanıb.

Qeyd edək ki, sentyabrın 23-də Prezident İlham Əliyevin sədrliyi ilə IV İslam Həmrəyliyi Oyunlarının Təşkilat Komitəsinin birinci iclası keçirilib.