Ana səhifə İdman |
Çoxdandır azarkeşlərimiz önündə belə oyun keçirmək istəyirdik. Çox sürətli komandaya qarşı oynayacağıq. "Anderlext"də həmişə ustalıq səviyyəsi yüksək olan futbolçular olur. Buna görə də bu komandadan digər klublara səviyyəli futbolçular transfer olunur. Çox diqqətli olmalıyıq.
Axar.az xəbər verir ki, "Qarabağ"ın baş məşqçisi Qurban Qurbanov bu gün keçirdiyi mətbuat konfransında belə deyib.
Ağdam klubunun çalışdırıcısı hesab edir ki, futbolçularımız məsuliyyəti dərk edir: "Bilirik ki, sürətli olmasaq, bu komanda ilə başabaş mübarizə apara bilmərik. Məncə, sabah çox maraqlı oyunun şahidi olacaqsınız. Sabah bizə psixoloji hazırlıq da çox lazım olacaq. İstərdim ki, oyunu qələbə ilə başa vuraq. Amma rəqibin də gücünü dəyərləndirməliyik".
Q.Qurbanov əlavə edib ki, komandanın oyuna 6 hücumameyilli futbolçu ilə çıxması istisna deyil: "Dəfələrlə bildirmişəm ki, hücum edə-edə müdafiə olunmalıyıq. Rəqibə hücum qurmağa imkan verməməliyik".
Tarix
2015.09.30 / 20:13
|
Müəllif
Emil Salamoğlu
|