Bu gün Ağdam rayonunun Quzanlı qəsəbəsində yerləşən Olimpiya kompleksində peşəkarlar arasında kikboksinq idman növü üzrə respublika turniri keçirilib.

Axar.az xəbər verir ki, turnir Azərbaycan Respublikasının himni ilə açılıb və şəhidlərin xatirəsi bir dəqiqəlik sükutla yad edilib. Turnirdə Kikboksinq Federasiyasının prezidenti Adil Əliyev, Ağdam rayonunun icra başçısı Raqub Məmmədovun müavini, əməkdar idman ustası Eduard Məmmədov, Ehram Məcidov, beşqat dünya çempionu Pərviz Abdullayev yarışı izləyib və mükafatlandırmada iştirak edib. Adil Əliyev Raqub Məmmədovu diplomla təltif edib.

Turnirdə Ruslan Musayev, Qiyas Şairmərdanov, İbrahim Məmmədov, Rauf Qarayzadə, Emil Mövsümzadə və Bəybala Quliyev kikboksinqin k-1 və lou-kik versiyasında döyüşərək rəqiblərini məğlub edib və müvafiq medallarla təltif olunublar.