Ana səhifə İdman |
20:35
Futbol üzrə Azərbaycan Misli Premyer Liqasında II turun daha bir matçı keçirilib.
Axar.az xəbər verir ki, son çempion "Qarabağ" "Sumqayıt"ın qonağı olub.
"Kapital Bank Arena"dakı qarşılaşma "köhlən atlar"ın qələbəsi ilə yekunlaşıb - 2:0. Komandanın qollarını 90+4-cü dəqiqədə Musa Qurbanlı və 90+8-ci dəqiqədə Filip Ozobiç vurub.
Ağdam klubu xallarının sayını 6-ya çatdırıbsa, "gənclik şəhəri" təmsilçisi iki oyundan sonra xalsız qalıb.
Qeyd edək ki, günün digər oyununda "Səbail" "Turan Tovuz"u qəbul edəcək. Turun açılış görüşündə "Sabah" səfərdə "Zirə"yə 3:1 hesabı ilə qalib gəlib. Tura avqustun 14-də keçiriləcək "Qəbələ" - "Şamaxı" və "Neftçi" - "Kəpəz" matçları ilə yekun vurulacaq.
***
Günün ikinci matçında isə Azərbaycan futbol tarixində ilk dəfə "Səbail"lə "Turan Tovuz" qarşılaşıb.
Görüş Tovuz təmsilçisinin 1:0 hesablı qələbəsi ilə bitib. Bölgə klubunun qolunu 47-ci dəqiqədə Natan Oduva vurub.
Çempionatda ilk qələbəsini qazanan "Turan Tovuz" xallarının sayını 3-ə çatdırıb. "Səbail" isə iki oyundan sonra xalsız qalıb.
Tarix
2022.08.13 / 22:53
|
Müəllif
Axar.az
|