Azərbaycanın 2 boksçusu İtaliyanın Montesilvano şəhərində yeniyetmələr arasında keçirilən Avropa çempionatında 1/4 finala yüksəlib.

Federasiyadan Axar.az-a verilən məlumata görə, 50 kq-da Aynur Mikayılova 1/8 finalda Byanka Balinti (Almaniya) 5:0 (30:27, 30:27, 30:27, 30:27, 29:28) hesabı ilə məğlub edib. Onun növbəti rəqibi Lamprini Giannakopoulou (Yunanıstan) olacaq. Görüş sentyabrın 30-da baş tutacaq.

46 kq-da isə Faiq Mollayev İqor Uşinyaka (Polşa) qalib gəlib. O, rəqibini yenməyə cəmi 1 dəqiqə 50 saniyə vaxt sərf edib. İlk raundda tam üstünlüklə qalib gələn Mollayev 1/4 finala adlayıb. O, növbəti döyüşünü oktyabrın 1-də Tomas Vari Cona (İngiltərə) qarşı keçirəcək.

Qeyd edək ki, sentyabrın 29-da Azərbaycanın daha 5 boksçusu mübarizəyə qoşulacaq.