2022.10.05 - 23:21

UEFA Çempionlar Liqasının qrup mərhələsində III turun daha 2 görüşü baş tutub.

Axar.az xəbər verir ki, E qrupunda Azərbaycan millisinin hücumçusu Mahir Emrelinin çıxış etdiyi Xorvatiyanın "Dinamo" (Zaqreb) klubu Avstriyada "Zaltsburq"un qonağı olub. Görüş meydan sahiblərinin 1-0 hesablı qələbəsi ilə başa çatıb. Yeganə qolu 71-ci dəqiqədə penaltidən Noa Okafror vurub.

Emrelinin adı matçın iştirak ərizəsinə salınsa da, 25 yaşlı hücumçu sonadək ehtiyatda qalıb.

F qrupunda isə Almaniya "Leyptsiq"i evdə Şotlandiya "Seltik"ni 3-1 məğlub edib.

***

Çempionlar Liqasında III turun daha 6 qarşılaşması keçirilib. Nəticələr aşağıdakı kimidir:

"Çelsi" (İngiltərə) - "Milan" (İtaliya) - 3:0

"Real Madrid" (İspaniya) - "Şaxtyor" (Donetsk, Ukrayna) - 2:1

"Mançester Siti" (İngiltərə) - "Kopenhagen" (Danimarka) - 5:0

"Sevilya" (İspaniya) - "Borussiya" (Dortmund, Almaniya) - 1:4

"Yuventus" (İtaliya) - "Makkabi" (Hayfa, İsrail) - 3:1

"Benfika" (Portuqaliya) - PSJ (Fransa) - 1:1