Komandada maliyyə necə bilirsiniz, elədir. Keçən ilə baxanda, büdcəmiz çox aşağı düşüb. Ancaq bu bizim işimizdir, müqaviləmiz var və ona uyğun mübarizə aparırıq. Yanvara qədər gözləyəcəyik, görək sonra nə olacaq.

Axar.az xəbər verir ki, bu sözləri "İnter"in qapıçısı Səlahət Ağayev deyib.

Qolkiper APA-ya müsahibəsində bildirib ki, indiki vəziyyətdə əgər 3 oyundur uduzmuruqsa, bu, komanda qəhrəmandır:

"Maaş hər 30-50 gündən bir olur. Avropa Liqasında keçirdiyimiz oyunların mükafatlarından isə hələ ki bir xəbər yoxdur. Georgi Nikolov bir rəhbər kimi komandaya dayaq durmur.

Bir nəfər yoxdu ortaya çıxsın ki, komandaya biz baxırıq. Bircə onu bilirik ki, az da olsa, Beynəlxalq Bank maliyyələşdirir, sağ olsun".