Türkiyədə təlim-məşq toplanışında olan "Qəbələ" bu gün ikinci yoxlama oyununu keçirib.

Axar.az klubun saytına istinadən xəbər verir ki, yanvarın 10-dan Antalyada hazırlıq keçən Roman Qriqorçukun komandası İsveçrənin "Sürix" klubu ilə üz-üzə gəlib. Matç "Qəbələ"nin 4:0 hesablı qələbəsi ilə başa çatıb.

Qeyd edək ki, Finlandiya futbolunun əfsanələrindən olan Sami Hyuypiyanın baş məşqçisi olduğu "Sürix" cari mövsümün ilk yarısını uğursuz keçirib. 18 turdan sonra 17 xalı olan komanda 10 iştirakçı arasında 9-cudur. Cari mövsüm UEFA Avropa Liqasında çıxış edən sürixlilər III təsnifat mərhələsində mübarizəni dayandırıb.

Xatırladaq ki, "Qəbələ" bundan əvvəl Almaniyanın aşağı liqa təmsilçisi "Osnabryuk"la heç-heçə (1:1) edib.

19:00."Qəbələ" – "Sürix" (İsveçrə) - 4:0

Qollar:Vadim Abdullayev, 20 (1:0), Aleksey Antonov, 73 (2:0), 75 (3:0), Samir Zərgərov, 80 (4:0)
"Miracle" otelinin stadionu