Mövsümün ikinci yarısına hazırlıqlarını Antalyada davam etdirən "Qarabağ" təlim-məşq toplanışını bu gün yekunlaşdıracaq.

Axar.az xəbər verir ki, Ağdam təmsilçisi son oyun günündə iki yoxlama görüşü keçirəcək.

Son Azərbaycan çempionu Avstriyanın "Admira Uaker" klubu ilə üz-üzə gələcək. Oyun Bakı vaxtı ilə 18:15-də başlayacaq.

Qurban Qurbanovun komandası daha sonra Polşanın "Yaqelloniya" klubu ilə qarşılaşacaq. Həmin görüşün start fiti Bakı vaxtı ilə saat 20:15-də veriləcək.

Qeyd edək ki, "Qarabağ" ilk yoxlama oyununda Almaniyanın regional liqa təmsilçisi "Rot-Vays" klubuna 1:0, Macarıstanın "Dioşqyor" klubuna isə 4:0 hesabı ilə qalib gəlib.