FİFA rəhbərliyinə namizədlərin maliyyə sferasında reformlar keçirilməsi ilə bağlı təklifləri 2018-ci ildə təşkilatın bankrot olmasına gətirib çıxaracaq.

Axar.az xəbər verir ki, bunu Böyük Britaniya mətbuatına açıqlamasında FİFA prezidentliyinə namizəd olan şeyx Salman bin İbrahim əl Xəlifə söyləyib. Onun sözlərinə görə, son bir il ərzində FİFA-nın maliyyə göstəriciləri həddən artıq pisləşib:

"Bu, çox ürəkağrıdan mənzərədir. 2018-ci ilə qədər FİFA öz maliyyə ehtiyatlarını yox edəcək. Əgər situasiya dəyişməsə, bizim satış, marketinqdən götürdüyümüz pullar təşkilat üçün kifayət etməyəcək. Əgər mənim rəqiblərimin planları reallaşsa, o zaman biz çətin situasiyaya düşəcəyik. Onu bilmək lazımdır ki, FİFA-nın son bir il ərzində zərəri 100 milyon dollar olub. Mənim planım təşkilatı bankrot etmək yox, onu yenidən bərpa etməkdir".