Avro-2016-nın final mərhələsində bu axşam millimizlə qarşılaşacaq futzal üzrə Çexiya yığmasının baş məşqçisi Tomaş Noyman müsahibə verib.

Qol.az-ın məlumatına görə, Çexiya mətbuatına danışan Noyman komandasının axşam yalnız qələbəyə oynayacağını bildirib:

"Azərbaycan millisi bizimlə oyunda tərəddüd edə bilməz. Biz yalnız qələbə haqda düşünürük".

- Sonuncu dəfə Azərbaycanla 2010-cu ilin Avropa çempionatında qarşılaşmışıq. Həmin görüş rəqibin böyük hesablı qələbəsi ilə başa çatıb - 1:6.

- Komanda nəticədən çox məyus olmuşdu. Lakin ruhdan düşmədik və sonra turnirin bürünc medallarını qazandıq. Bu, inanılmaz qələbə idi. Həmin zəfəri yenidən yaşamaq istərdim.

- Sizcə, son 6 ildə Azərbaycan millisi nə qədər dəyişib?

- Onların bəzi braziliyalı futzalçıları və baş məşqçiləri dəyişib. Artıq Azərbaycan millisində yeni oyunçular var. Lakin 6 il əvvəlki yığma ilə müqayisədə hansı komandanın daha güclü olduğunu söyləmək çətindir.

- Rəqibin gücünü necə dəyərləndirirsiniz?

- Azərbaycan yığmasında güclü braziliyalı futbolçular çıxış edir. Onlar həm fərdi, həm də komanda şəklində çox yaxşı təsir bağışlayırlar. Rəqib turnirə yaxşı hazırlaşıb. Ancaq bu, bizim qələbə qazanmaq istəyimizi dəyişmir.

- Azərbaycan millisi turnirin ilk oyununda İtaliyaya 0:3 hesabı ilə uduzub. Sizcə, bu rəqib oyunçulara nə dərəcədə təsir edəcək?

- Bunu təsəvvür etmək çətindir. Onlardan kiminsə yorulub-yorulmadığını nəzərə almaq lazımdır. Ancaq hamımız axşam bunun şahidi olacağıq.