Futbol üzrə Azərbaycan Premyer liqasında 24-cü turun son görüşü keçirilib.

Axar.az xəbər verir ki, Gəncənin "Kəpəz" klubu Bakıda "Rəvan"ın qonağı olub.

Gəncəlilər görüşün 16-cı dəqiqəsində Kərim Diniyevin qolu ilə hesabda önə keçib. Namiq Ələsgərov 29-cu dəqiqədə hesab arasındakı fərqi 2-yə çatdırıb. 56-cı dəqiqədə isə Cunior Osvaldo "Kəpəz"in 3-cü qolunu vurub.

"Rəvan" bu qollardan yalnız birinin əvəzini çıxa bilib. Məmməd Quliyev 82-ci dəqiqədə görüşün son topunu vurub.

Bu qələbədən sonra "Kəpəz" hesabındakı xalların sayını 36-ya çatdıraraq 5-ci sıradakı yerini gücləndirib.

"Rəvan" isə 8 xalla liqanın sonuncu sırasında qərarlaşıb.