Ana səhifə İdman |
10:17
Bu gün UEFA Çempionlar Liqasında II təsnifat mərhələsinin görüşlərinə start veriləcək.
Axar.az xəbər verir ki, böyük maraqla gözlənilən görüşdə son Azərbaycan çempionu "Qarabağ" Cəbəllüttariq çempionu "Linkoln"la üz-üzə gələcək.
Gərgin mübarizə vəd edən görüşü İştvan Vadın rəhbərlik etdiyi macarıstanlı hakimlər briqadası idarə edəcək.
Qeyd edək ki, qarşılaşmanın start fiti Bakı vaxtı ilə saat 20:00-da səslənəcək.
23 iyul
UEFA Çempionlar Liqası ıı təsnifat mərhələsi
"Linkoln" - "Qarabağ"
Saat 20:00, "Victoria Stadium"
Baş Hakim: İştvan Vad.
***
UEFA Çempionlar Liqasının II təsnifat mərhələsinin "Linkoln" (Cəbəllütariq) - "Qarabağ" matçı start götürüb.
Axar.az xəbər verir ki, qarşılaşma “Europa Point Stadium”da keçirilir.
Görüşü macarıstanlı İştvan Vad idarə edir.
***
"Qarabağ"ın oyunçusu Juninyo matçın 45+2 dəqiqəsində hesabı açıb: 0 - 1
***
72-ci dəqiqədə Toral Bayramov daha bir topu rəqibin qapısından keçirib: 0 - 2
***
Qarşılaşma Ağdam təmsilçisinin 2:0 hesablı qələbəsi ilə yekunlaşıb.
Qeyd edək ki, "Qarabağ" və "Linkoln" arasında cavab oyunu bir həftə sonra Tofiq Bəhramov adına Respublika stadionunda gerçəkləşəcək. Qarşılaşmanın start fiti saat 20:00-da səslənəcək.
Tarix
2024.07.23 / 22:02
|
Müəllif
Axar.az
|