Super Liqa təmsilçilərindən "Adana Demirspor"un prezidenti Bədirxan Durak ötən axşam "Qalatasaray"la səfər matçında meydandan çəkildikdən sonra istefa verdiyini açıqlayıb.

Axar.az xəbər verir ki, bu barədə B.Durak sosial media hesabında paylaşım edib.

“Əziz "Adana Dəmirspor" azarkeşləri, üzərimə götürdüyüm vəzifəmi layiqincə yerinə yetirmək üçün gecə-gündüz çalışdım. Mən həmişə klubumun xeyrinə olan dəstəyi göstərmişəm. Belə bir həddə çatdığımız üçün üzgünəm. Bu burulğandan çıxmaq qeyri-mümkündür. İlk növbədə klubum, daha sonra isə ailəm, sevdiklərim və sağlamlığım üçün bu vəzifədən istefa verirəm”, - klub prezidenti qeyd edib.

Qeyd edək ki, Türkiyə Superliqasının 23-cü turunda “Qalatasaray”-“Adana Dəmirspor” matçı yarımçıq dayandırılıb. Buna səbəb kimi hakimin haqsız penalti qərarı göstərilib.