Türkiyə Superliqasında XXIV turun daha 3 oyunu keçirilib.

Axar.az xəbər verir ki, turun mərkəzi görüşündə “Beşiktaş” “Trabzonspor”u qəbul edib. “Vodafone Park” stadionunda oynanılan qarşılaşma meydan sahiblərinin qələbəsi ilə başa çatıb - 2:1.

Hesabı 17-ci dəqiqədə qonaqların hücumçusu Simon Banza açıb. İlk hissə Qara dəniz təmsilçisinin üstünlüyü ilə yekunlaşıb. Fasilədən sonra 2 qol vuran “qara qartallar” əzmkar qalibiyyət əldə ediblər. Əvvəlcə 53-cü dəqiqədə Rafa Silva tarazlığı bərpa edib. Arseni Bataqovun 65-ci dəqiqədə öz qapısına vurduğu avtoqol İstanbul klubuna 3 xal qazandırıb.

Hazırda “Beşiktaş” 38 xalla 5-ci, “Trabzonspor” isə 29 xalla 9-cu pillədə qərarlaşıb.

Qeyd edək ki, turun əvvəlki matçlarında “Adana Dəmirspor” “Antalyaspor”la heç-heçə (1:1) edib, “Qaziantep” “Sivasspor”a (2:1), “Bodrumspor” isə “Başakşəhər”ə (1:0) qalib gəlib.