Almaniya yığmasının türk əsilli sabiq futbolçusu Məsut Özil Türkiyədə Cümhuriyyət Xalq Partiyasının (CHP) boykot çağırışına reaksiya verib.

Axar.az xəbər verir ki, Özil bu barədə özünün X səhifəsində paylaşım edib.

"Boykot adı altında yerli və milli brendlərimizə zərər verməyək. İctimai birliyimizi qoruyaq!" - Özil bildirib.

CHP-dən olan Əli Mahir Başarır isə Özilə "Yerli və milli qardaşım, hansı millidə oynamısan?" sözləri ilə cavab verib.

Bu reaksiya sosial mediada geniş müzakirələrə səbəb olub.

Qeyd edək ki, Məsut Özil bu ilin fevral ayında hakim Ədalət və İnkişaf Partiyasının (AKP) Mərkəzi Qərar və İdarə Heyətinin üzvü təyin edilib.